三千年前

監製+編曲+作曲：陳輝陽
填詞：林夕
讀白：陳慧
旁白：李香琴
主唱：關淑怡

李:
再見　唔好怪我第一句就同你講再見
因為我真係專程來同你道別你唔講嘢　
淨係聽我講嘢　嗰陣時個世界好安靜
冇而家咁嘈　襯得我特別吱喳　
特別開心 我記得同你去睇日落
你會響我耳仔邊講嘢　你講得好細聲
其實我一啲都聽唔清楚咖
不過　我好鍾意聽你噉樣同我講嘢
以後　再冇人噉樣同我講嘢喇
因為你話畀我知　你要走喇
忽然間　經過咗好多年 我冇再睇過日落

關:
趁熄滅前　還可一見
蠟成了灰　沾污了我的臉
轉生蔓延　淚海被填
浪漫擱淺　舊歡不變

李:
我記得　你同我去過嘅每一個地方
果啲地方　通通留喺我心裡面 我唔會講
我老喇　我只係會講 我喺度太耐　
時間耐咗 難免知道人總會慢慢咁將過去淡忘 又會睇住啲嘢　
無聲無息咁樣消失 我點解要走 我先兩日　唔知諗緊乜嘢 無端端走咗去睇日落
個日落　就同我記得陪住你睇嗰個樣一樣
不過就算我點樣裝出若無其事
我都冇辦法唔承認
我失去嘅嘢實在太多喇

關:
趁熄滅前 還可一見
蠟成了灰　沾污了我的臉
轉生蔓延　淚海被填
浪漫擱淺　舊歡不變

李:
我要走喇 如果你記得返我係邊個
我知道 你一定會好唔捨得我
仲會好掛住我咖 再見.........
___
註:
李香琴的平實旁白，關淑怡的滄桑歌聲。讓整首歌曲，特別淒美。
順著那淒美+平實，產生無盡抽離的境界，給與筆者思想空間。